13 ноября 2010 г.
Михаил Игнатьев республика Президенчĕн политика тĕп докуменчĕпе – Патшалăх Канашне тата чăваш халăхне яракан Çырупа – ĕçлеме пуçланă. Регион пуçлăхĕ чăн çитĕнÿсене тата республикăшăн уйрăмах пĕлтерĕшлĕ çивĕч ыйтусене хаклас, Правительство, Патшалăх Канашĕ, муниципалитетсем, предприяти-организацисем çывăх вăхăтра тата малашне алла-аллăн ĕçлемелли программăна палăртас тĕллевлĕ.
Çырăва хатĕрленĕ чух Президент республикăра пурăнакансен шухăш-кăмăлне шута илĕ. Чăваш Енре халĕччен усă курман тата тухăçсăр усă курнă мĕнле резервсем пур; Социаллă пурнăçпа экономикăра чи малтан мĕн улăштармалла; 2011 çулхи Çырăва эсир мĕн кĕртесшĕн; Республикăра пурăнакансен пурнăçĕ лайăхрах, хăтлăрах пултăр тесен, сирĕн шухăшпа, мĕн кирлĕ;
Граждансен сĕнĕвĕсемпе шухăшĕсене, общество пуçарăвĕсене, инноваципе çыхăннă идейăсене çак адреспа йышăнаççĕ: Чăваш Республики, Шупашкар хули, Президент бульварĕ, 10 çурт, Чăваш Республикин Президенчĕн Администрацийĕ.
Электрон адресĕ: analit2@cap.ru – "Çыру хатĕрлеме" тесе паллă тума ан манăр. Телефон: 39-35-73, 39-35-75.