20 ноября 2010 г.
Ыран – Раççей налук службин органĕсенче ĕçлекенсен кунĕ. Хăйсен професси уявне Федерацин Чăваш Республикинчи управленийĕн районсем хушшинчи 2-мĕш номерлĕ инспекцийĕн ĕçченĕсем тулли кăмăлпа кĕтсе илеççĕ.
Пысăках мар коллективра хăйсен ĕçне чунтан парăннă çынсем вăй хураççĕ. Акă Вера Александровна Калашникова налук органĕсенче 20 çул ĕçлет. Чăваш патшалăх университетĕнчен вĕренсе тухнă. Камеральнăй тĕрĕслевсен налук инспекторне коллективра хисеплеççĕ. Вера Александровнана тÿрĕ кăмăлтан ĕçленĕшĕн налук службин Управленийĕн ертÿçи приказпа тав тунă.
Тав сăмахне çавăн пекех Ирина Николаевна Васильева уборщица та тивĕçнĕ. Валерий Васильевич Кувшинов водителе вара Управленин Хисеп грамотипе наградăланă.