04 декабря 2010 г.
Паянхи кун Раççей наркотиксемпе суту-илÿ тăвакан «аталаннă» çĕршывсенчен пĕри шутланать. Çакна çĕршывра наркомансен шучĕ ÿссе пынипе çыхăнтармалла. Çамрăк ăру нимĕн шухăшламасăр «шурă вилĕм» енне тăсăлать. Наркотик туянма укçа-тенкĕ пулмасан кил-çуртри япаласене сутаççĕ, вăрă-хурахла ĕçсем тăваççĕ.
Наркотик сутакансемпе кĕрешÿ темиçе çул хушши пырать. Тĕнчипех наркодиллерсене тĕрмене хупаççĕ. Çапах та ĕç ырă енне улшăнни сисĕнмест. Героин, какоин тата ытти наркăмăшсемпе тивĕçтерекенсем çав-çавах йышлăн.
Раççейри наркотиксене хирĕç ĕçлекен комитет наркотиксене тĕп тăвас тесен пур структурăсен те тачă çыхăнура ĕçлемелле тесе пĕлтерет. Çак комитет наркотиксене хирĕç кĕрешес тĕлĕшпе бюджет йĕркелеме сĕнет. Бюджет укçипе полицейскийсене, пограничниксене, таможня ĕçченĕсене тивĕçтерме палăртаççĕ. Çавăн пекех наркомансене сыватнă çĕрте те çак укçапах усă курмалла теççĕ. Хальлĕхе асăннă бюджета йĕркелесси пирки калаçу кăна пырать-ха. Чăваш Республикинчи наркотиксене тĕрĕслесе тăракан управлени республикăра пурăнакан çынсене «Раççейре наркотиксене хирĕç кĕрешмелли националлă бюджет кирлĕ-и;» ятпа ыйтăма хутшăнма сĕнет.
Ыйтусем çакăн пек:
1. Çапла, çакă лару-тăрăва палăрмаллах лайăх енне улăштарать.
2. Çапла, енчен те укçа-тенкĕ наркомансене сыватнă çĕре каять пулсан.
3. Çапла, енчен те укçа-тенкĕпе наркомани енĕпе профилактика ирттерме усă курсан.
4. Çук, çакă укçа-тенке усăсăр тăккалани, коррупцие аталанма май туса пани кăна.
Район çыннисем, хăвăр шухăшăра, сĕнĕвĕре çак электронлă адреспа taxpol@cap.ru е fskn@cap.ru ярса пама е Управленин интернетри www. fskn.cap.ru сайчĕ çине хăварма пулать.