08 декабря 2010 г.
ШĂМĂРШĂРА пурăнакан Владимир Петрович Шурякова район çыннисем лайăх пĕлеççĕ. Пултаруллă спортсмен, Тĕнче тата Европа, Раççей чемпионĕ кире пуканĕ йăтас енĕпе пысăк çитĕнÿсем тăвать. Çакна Владимир Петровичăн нумай-нумай наградисем те çирĕплетеççĕ.
Спортри тата обществăлла ĕçсенчи пысăк пĕлтерĕшлĕ çитĕнĕвĕсене шута илсе, район Пухăвĕн депутачĕсен иртнĕ ларăвĕ В.П. Шурякова «Шăмăршă районĕн хисеплĕ гражданинĕ» ят пама йышăннă.
Аса илтеретпĕр: маларах çак хисеплĕ ята Н.В. Космовский, И.А. Журавлев, В.И. Максимов тата Н.В. Федоров тивĕçнĕччĕ.