08 декабря 2010 г.
Кĕçех Çĕнĕ Çул çитет. Çак уява пурте кĕтеççĕ. Çакна тĕпе хурса район администрацийĕн культура енĕпе ĕçлекенĕсем районта «Супер Хĕл Мучи – 2010» конкурс йĕркелеççĕ. Конкурса районта пурăнакан кашни çынах хутшăнма пултарать. Çавăн пекех учрежденисенче, предприятисенче, организацисенче ĕçлекенсем те хăйсен Хĕл Мучийĕсене конкурса тăратма пултараççĕ.
Конкурса хутшăнакансене тăватă номинаципе хаклаççĕ:
– «Супер Хĕл Мучи – 2010»;
– «Хĕл Мучин чи лайăх костюмĕ»;
– «Хĕл Мучин чи лайăх саламĕ»;
– «Хĕл Мучин чи лайăх презентацийĕ»;
Конкурс Шăмăршăри Культура Керменĕнче декабрĕн 24-мĕшĕнче, 19 сехетре, пулать. Тĕплĕнрех 2-33-14 номерпе шăнкăравласа пĕлме пулать.