15 декабря 2010 г.
Ярăславри Иванпа Валентина Тихоновсен çемйи кăçалхи октябрĕн 27-мĕшĕнче харăсах виçĕ ывăлпа пуянланни çинчен хаçатра çырнăччĕ ĕнтĕ. Акă кĕтнĕ кун та çитрĕ – декабрĕн 9-мĕшĕнче Ярослава, Владислава, Святослава тата вĕсен телейлĕ амăшне Президентăн Перинатальнăй центрĕнчен тăван ялне ăсатса янă. Çемье сывлăхне тĕп больницăри О.И.Львов педиатр, З.Н. Федорова акушер-гинеколог, тĕп врач çумĕ И.А. Смирнова тĕрĕслесех тăраççĕ. Амăшĕ те, ывăл ачасем те хăйсене лайăх туяççĕ.
Çакна палăртмалла: Чăваш Республикинче харăсах виçĕ ача çуралнă тĕслĕхсем 2003, 2006, 2008, 2009 çулсенче пулнă.