25 декабря 2010 г.
ÇĔНĔ ÇУЛ уявĕсем çывхарса çитрĕç, çынсем çуртсене чăрăшсемпе илемлетме тытăнчĕç.
Чăрăша лесничествăра ирĕккĕнех туянма пулать, хакĕ те пысăк мар. Çак хитре йывăçа вăрттăн, браконьерла касакансене вара пысăк штраф кĕтет. Акă 12 сантиметр таран хулăнăшлĕ чăрăша каснăшăн 1824 тенкĕ штраф тÿлеме тивет.
Кунсăр пуçне, административлă штраф та кĕтет: граждансене - 3 пинрен пуçласа 3,5 пин тенкĕ таран, должноçри çынсене – 20-30 пин тенкĕ. Чăрăш мĕн чухлĕ çÿллĕрех, штрафĕ те пысăкрах.
Апла пулсан, чăрăша лесничествăра, саккуна пăсмасăр туянсан лайăхрах мар-ши;