15 января 2011 г.
ЮН КУН район администрацийĕнче ял поселенийĕсен пуçлăхĕсен канашлăвĕ иртнĕ, ăна район администрацийĕн пуçлăхĕ В.П. Фадеев ертсе пынă.
Канашлура ял хуçалăх пĕлтерĕшлĕ çĕрсене усă куракан çаврăнăша кĕртес, çĕрпе усă курмалли правăна регистрацилес ыйтусене çивĕч çĕкленĕ. Ял поселенийĕсен пуçлăхĕсен ыйтăвĕсем çине район администрацийĕн экономика пайĕн специалист – экспертчĕ И.А. Кузьмина тата Россреестрăн Шăмăршă районĕнчи уйрăмĕн пуçлăхĕ Т.Ю. Тихонова тулли хурав панă.
Пысăк пĕлтерĕшлĕ тепĕр ыйту – ял хуçалăх предприятийĕсенче, фермер хуçалăхĕсемпе килти хуçалăхсенче мăйракаллă шултра выльăхсен йышне упраса хăварасси. Район администрацийĕн пуçлăхĕ В.П. Фадеев ял поселенийĕсен пуçлăхĕсене халăх хушшинче ăнлантару ĕçне анлăн илсе пыма, патшалăх паракан пулăшу çинчен лайăх ăнлантарса пама сĕннĕ.