15 января 2011 г.
ХОККЕЙ – çамрăксен чи юратнă вăййи. Аслăрах ÿсĕмрисем те спортăн çак енĕнчен уйрăлма васкамаççĕ-ха. Çакна Шăмăршăра пулса иртнĕ черетлĕ матч та лайăх çирĕплетрĕ. Хальхинче пăр çинче çамрăксемпе аслисем вăй виçрĕç. Спорт ветеранĕсен "пăсĕ" тухса пĕтмен инкек - вĕсем хăйсен шăллĕсене 7:4 шутпа парăнтарчĕç.
Унччен маларах Шăмăршăсем Патăрьел районĕнчи Сăкăтра А.Казачкова асăнса ирттернĕ турнира хутшăннăччĕ, унтан та çĕнтерÿпе таврăннăччĕ.
Хоккей вăййи ялсенче те пысăк хисепре. Шкул ачисем хоккей коробкисене юртан тасатсах тăраççĕ, уроксем хыççăн тренировка ирттереççĕ.