29 января 2011 г.
ТАТЬЯНĂСЕН кунĕнче Шăмăршăра "Мисс Татьяна" ятпа пултарулăх конкурсĕ иртнĕ, унта тĕрлĕ вырăнсенче ĕçлекен хĕрупраçсемпе хĕрарăмсем хутшăннă.
Визиткăра, ташă конкурсĕнче тата кулинари ăсталăхĕн рекламинче пысăк пултаруллăх кăтартса, "Мисс Татьяна" ята район администрацийĕн бухгалтерийĕнче ĕçлекен Татьяна Матвеева тивĕçнĕ. "Мисс Очарование" номинацире Татьяна Удочкина (Шăмăршăри вăтам шкул), "Мисс Элегантность" номинацире Татьяна Чернова (районти тĕп больница), "Мисс Артистичность" номинацире Татьяна Яковлева (Шăмăршăри ача-пăча искусствин шкулĕ) çĕнтернĕ. Татьянăсене пурне те район администрацийĕн вĕрентÿ, çамрăксен политики тата культура пайĕн Хисеп грамотипе, пылак кучченеçсемпе чысланă.