29 января 2011 г.
ЯНВАРĔН 24-мĕшĕнче Шупашкарта тăван ен историйĕпе культури енĕпе республика олимпиади иртнĕ. Унта республика шкулĕсенчи 51 вĕренекен – районсенчи олимпиадăсен çĕнтерÿçисем – хутшăннă.
Çивĕч тупăшура пирĕн районти Васан шкулĕн 8 класĕнче вĕренекен Ксения Смаева тарăн пĕлÿ илнине çирĕплетсе панă, республикăра иккĕмĕш вырăн йышăннă. Ксенияна медальпе тата II степень Дипломпа чысланă.
Калас пулать, Ксения Смаевана олимпиадăна хутшăнма В.П. Краснов учитель хатĕрленĕ. Çĕнтерÿçĕ хĕр ачапа унăн вĕрентекенне çĕнĕ çитĕнÿсем сунатпăр.