29 января 2011 г.
РАЙОНТИ культура ĕçченĕсем январĕн 26-мĕшĕнче пулса иртнĕ канашлăвĕнче Раççей Космонавтикин çулне халалланă мероприятисен планне пăхса тухрĕç. 2011 çулта районта фестивальсемпе конкурссем, смотр-отчетсем иртмелле, вĕсенче космос паттăрĕсен çитĕнĕвĕсене анлăн пропагандăламалла.
Мероприятисенче çавăн пекех Раççей Федерацийĕн Президенчĕ Д.А.Медведев тата Чăваш Республикин Президенчĕ М.В. Игнатьев янă Çырусенче палăртнине пурнăçа кĕртесси, Шăмăршă районĕн 2011-2012 çулсем валли йышăннă культура аталанăвĕн программине пурнăçласси пысăк вырăн йышăнĕ.