09 февраля 2011 г.
ЧĂВАШ Республикин Сывлăх сыхлавĕн тата социаллă аталану министерстви, Раççей Федерацийĕн Сывлăх сыхлавĕн работникĕсен Чăваш Республикинчи профсоюз организацийĕ çуллен хула тата район больницисем хушшинче йĕлтĕрçĕсен ăмăртăвне йĕркелеççĕ. Кăçал вăл февралĕн 2-мĕшĕнче иртрĕ. Унта Шăмăршă районĕн тĕп больницин ĕçченĕсем те хутшăнчĕç.
Пирĕн команда – ун йышĕнче 12 работник пулчĕ, командăна И.П.Поляков хирург ертсе пычĕ – судьясен коллегийĕ ăмăрту кăтартăвĕсене пĕтĕмлетнĕ, кашни спортсменăн (хăйĕн ÿсĕмĕнчи ушкăнĕнче) результачĕсене шута илнĕ хыççăн пĕрремĕш вырăна тухнине палăртнă. Шăмăршăсен командине куçса çÿрекен Кубокпа чысланă.
Пултаруллă спортсменсене ăмăртусенче малашне те ăнăçу сунатпăр.