19 февраля 2011 г.
ШĂМĂРШĂРИ "Туслăх" физкультурăпа спорт комплексĕнче çак кунсенче 1996-97, 1999-2000 çулсенче çуралнă çамрăксем хушшинче дзюдо енĕпе кĕрешессипе республикăн уçă турнирне ирттернĕ. Вăй виçме Шупашкартан, Çĕрпÿрен, Чулхула облаçĕнчи Воротынецран, Ульяновск облаçĕнчен, Кивĕ Чукалтан тата Шăмăршăран пурĕ 93 кĕрешÿçĕ пухăннă.
Виçе категорийĕсене кура çак пăхаттирсем çĕнтерÿçĕсем пулса тăнă: Дмитрий Галкин (25 кг, Шăмăршă), Станислав Красов (30 кг, Шупашкар), Федор Семенов (34 кг, Шăмăршă), Артем Репьев (38 кг, Воротынец), Денис Карсаков (42 кг, Шупашкар), Сергей Сергеев (46 кг, Шупашкар), Александр Мадюкин (50 кг, Шăмăршă), Иван Филиппов (55 кг, Шăмăршă), Илья Ермикеев (60 кг, Шупашкар), Николай Шиллер (66 кг, Шăмăршă), Руслан Алексеев (73 кг, Шăмăршă), Алексей Сазонов (73 кг йывăртарах, Шупашкар).
Турнира йĕркелесе ирттерме пулăшнăшăн Е.Кудряшов предпринимателе ("Шумер"), Шăмăршăри рынок директорне А.В.Филиппова, райадминистрацин вĕрентÿ, çамрăксен политики тата культура пайĕн начальникне Н.Г. Игнатьевана, райадминистрацин вĕрентÿ, çамрăксен политики тата культура пайĕн специалист-экспертне В.Антонова, "Туслăх" физкультурăпа спорт комплексĕн директорне С.А.Галкина чĕререн тав тăватпăр.