02 марта 2011 г.
ПИРĔН ентешсем спортăн тĕрлĕ енĕсемпе çитĕнÿсем тунине палăртма питĕ кăмăллă. Иртнĕ эрнере Виçпÿрт Шăмăршă хĕрĕ Полина Егорова Чĕмпĕр хулинче С.Божанов сенатор парнисемшĕн иртнĕ йĕлтĕрçĕсен ăмăртăвĕнчен иккĕмĕш вырăнпа таврăннă. Полина пĕлтĕр те çак ăмăртура кĕмĕл медаль çĕнсе илнĕччĕ.
Пултаруллă та маттур хĕре ăмăртусене ашшĕ хатĕрлет. Вĕсене тăтăшах тренировкăсенче пĕрле курма пулать. А.Егоров, физкультура вĕрентекенĕ пулнăскер, хĕрне кирлĕ сĕнÿсем парса пулăшать.
Полина Чĕмпĕрти ăмăртуран, медальпе Дипломсăр пуçне, хаклă приз та илсе таврăннă. Саламлатпăр сана, Полина, малашне те спортра çитĕнÿсем тума ырă сунатпăр.