16 марта 2011 г.
Кăçал вăтам шкул пĕтерекен яшсемпе хĕрсем малалла ăçта вĕренесси, мĕнлерех професси илесси пирки паянах шутлаççĕ. Кăмăл тăвакансене эпир милици е çар офицерне вĕренме кайма сĕнетпĕр.
Милици енĕпе илес пулсан, выпускниксем Раççейри Шалти ĕçсен министерствин Чулхулари ("Право ĕç-хĕлĕ"), Санкт-Петербургри ("Бухгалтери учечĕ, анализ тата аудит") университечĕсене, Воронежри институтне ("Çыхăну системи, информаципе ĕçлесси") вĕренме кайма пултараççĕ.
Çар офицерĕ пула ĕмĕтленекенсен Раççей Шалти ĕçсен министерствин Шалти çарĕсен Санкт-Петербургри, Саратоври, Новосибирскри тата Пермьри институчĕсенче вĕренме май пур.
Çак аслă вĕренÿ заведенийĕсене вĕренме каяс шухăшлă выпускниксене çак кунсенчех милицин районти пайĕн кадрсен уйрăмне килме сĕнетпĕр. Вĕсене вĕренме кĕмелли условисемпе тĕплĕн паллаштарăпăр.