23 марта 2011 г.
ДУЭТПА юрлама кăмăллакансем кашни ялтах пур. Асанкассинчи Назиря Багдеевапа Гузелья Хайретдинова та тăван ял-йыша тутар халăх тата тутарсен лирикăллă юррисене юрласа савăнтараççĕ. Юрăсене ыттисем те ăнланччăр тесе, кашни юррăн пĕр-икĕ куплетне хăйсемех чăвашла куçарса юрлаççĕ.
Назиря Багдеева – пенсионерка, 5 ача амăшĕ. Гузелья Хайретдинован – 2 ача. Вĕсен çемйисен кил картинче – йышлă выльăх-чĕрлĕх. Апла пулин те вĕсем ял клубне репетицисене çÿреме те вăхăт тупаççĕ.
Н.Багдеевапа Г.Хайретдинова Асанкассинче иртекен кашни уява е концерта хутшăнаççĕ. Вĕсен çепĕç юррисене ял-йыш яланах чылайччен алă çупса йышăнать.