30 марта 2011 г.
"Россельхозцентр" ФГУн Шăмăршăри уйрăмĕнчен вăрлăх пахалăхĕ пирки çĕнĕ сводка ыйтсан, пире... уйăх каяллахи кăтартусене пачĕç.
"Унтанпа цифрăсем улшăнманпа пĕрех, – терĕç кунти специалистсем. – 6 пин центнер ытла вăрлăх çÿп-çаплă пулнипе кондицие ларайман-ха".
Çак калаçу январь уйăхĕнче мар, март уйăхĕн вĕçĕнче пулса иртни вăрлăх пахалăхĕ пирки хытă пăшăрхантарать. Çур аки хапха умне çитсе тăчĕ-çке, хăш-пĕр çул апрельте уй-хир тракторсен кĕрлевĕпе тулатчĕ. Пирĕн вара... халĕ те мĕн пур вăрлăхăн 30 проценчĕ таса мар. Паян шартлама сивĕ çанталăк тăмасть-çке, çÿп-çаплă вăрлăха тасатса ака кондицине çитерессишĕн мĕншĕн тăрăшмастпăр-ха;
Сăмахăм витĕмлĕрех пултăр тесе, вулакана вăрлăх пахалăхне сăнлакан сводкăпа паллаштарам-ха.
Цифрăсен колонкисенче: 1-çур аки валли вăрлăх хывнă (процентпа), 2 – кондицие ларнă вăрлăх, 3 – кондицие ларман вăрлăх (процентпа).
"Шанс"ООО 99 88 12
"Искра" СХПК 97 100 –
"Восход" СХПК 105 96 4
"Карлинская" Агрофирма" ЗАО 83 40 60
"Агродор" ООО 137 36 64
"Нива" ЗАО 52 – 100
"Мир" ЗАО 143 75 25
"Исток" ООО 101 67 37
"Колос" Агрофирма" ЗАО 75 89 11
"Кузьмич" КФХ 100 – 100
"Сатеев А.И." КФХ 100 72 28
"Труд" КФХ 167 100 –
"Карла" КФХ 125 100 –
"Малалла"КФХ 103 – 100
"Семен" КФХ 150 – 100
«В.Н.Павлов» КФХ 400 50 50
"Пулмантăш" КФХ 69 – 100
РАЙОНĔПЕ 99 68 32
Вăт, çакăн пек кăтартусем. Тен, хăш-пĕр çĕрте ырă улшăнусем те пур, тасатнă вăрлăхсене лабораторире тĕрĕслеттерме çеç ĕлкĕреймен. Çĕр ĕçченĕ хĕрÿ тапхăра пур енчен те хатĕрленсе кĕтсе илессе шанас килет.