06 апреля 2011 г.
АПРЕЛĔН 2-мĕшĕнче Шăмăршăри пĕтĕмĕшле пĕлÿ паракан вăтам шкулăн спорт залĕнче арçынсен командисем хушшинче волейболла выляса районта мала тухассишĕн ăмăрту иртрĕ. Çивĕч кĕрешÿре Карапай Шăмăршă ял поселенийĕн команди (капитанĕ И.Сабаев) – пĕрремĕш, Шăмăршăри халăхăн социаллă ыйтăвĕсене тивĕçтерекен центр команди (А.Вазанов) – иккĕмĕш, Пуянкасси ял поселенийĕн команди (В.Абсалямов) – виççĕмĕш вырăн йышăнчĕ. Çĕнтерÿçĕсене район администрацийĕн вĕрентÿ, çамрăксен политики тата культура пайĕн грамотипе, парнесемпе чысларĕç.
Çакна та каламалла: юлашки çулсенче районти волейболистсен ăсталăхĕ ÿссе пыни сисĕнет. Шел те, республика пăлтерĕшлĕ ăмăртусене хутшăнма командăсем тăратаймаспăр-ха. Ку вăл пирĕн ĕçри тĕп çитменлĕх пулса тăрать.