06 апреля 2011 г.
РАЙОН администрацийĕн пуçлăхĕ В.П. Фадеев "2011 çулта Шăмăршă районĕнчи ачасен канăвне тата сывлăхне çирĕплетессине йĕркелесси, çу кунĕсенче ĕçпе тивĕçтересси çинчен" йышăну кăларнă.
Ачасен канăвне йĕркелес тĕлĕшпе районта 15 çынтан комисси туса хунă, унăн председателĕ пулма район администрацийĕн пуçлăхĕн çумне – вĕрентÿ, çамрăксен политики тата культура пайĕн пуçлăхне Н.Г. Игнатьевана çирĕплетнĕ.
Çавăн пекех çÿлте асăннă комиссин ĕç планне те çирĕплетнĕ, ачасен çуллахи канăвне пур енчен те тĕплĕн хатĕрленсе, инкек-синкексĕр ирттерессишĕн яваплă çынсен уйрăмах тимлĕ пулмаллине палăртнă.