Публикации » Пăхаттирсем Шăмăршăра пурăнаççĕ

09 апреля 2011 г.

ÇАК кунсенче Çĕнĕ Шупашкарта 1998-1999 çулсенче çуралнă çамрăксем хушшинче дзюдо енĕпе кĕрешессипе республика ăмăртăвĕ иртнĕ. Кунта хăйсен виçисенче Шăмăршă арçын ачисем Михаил Поповпа Никита Архипов виççĕмĕш вырăн йышăннă. Тăваттăмĕш вырăнта – Шăмăршăри вăтам шкулта вĕренекен Максим Юнкеров.

Мартăн 21-мĕшĕнче çак хуларах Чăваш Республикин Патшалăх Канашĕн депутатне, дзюдо спорчĕн Атăл тăрăхĕнчи пĕрлешĕвĕн председателĕ пулнă А.И. Трофимова асăнса 1997-1999 çулсенче çуралнă çамрăксем хушшинче Пĕтĕм Раççейри турнир иртнĕ. 55 килограма çитичченхи виçе категорийĕнче пирĕн Александр Мадюкин виççĕмĕш вырăн йышăннă. Иван Филипповпа Алексей Петров – тăваттăмĕш вырăнта.