16 апреля 2011 г.
ÇĔР-ШЫВРА çурхи призыв пуçланчĕ. Пирĕн районтан Раççей çарне 60 йĕкĕте илмелле. Çак кунсенче район администрацийĕн вĕрентÿ, çамрăксен политики тата культура пайĕ çара каякан çамрăксене Шăмăршăри Культура керменне пуçтарса "Призывник-2011" конкурс ирттерчĕ. Конкурсантсем вăй-хал упражненийĕсем туса, Калашников автоматне сÿтсе-пуçтарса тата кулăш конкурсĕнче ăмăртрĕç.
Хаваслă ăмăртусенче пĕрремĕш вырăна Пуянкасси ял поселенийĕнчи Николай Васильев, иккĕмĕшне – Пăчăрлă Пашьел ял поселенийĕнчи Андрей Саминов, виççĕмĕш вырăна Михаил Андреев (Чукал), Дмитрий Петров (Шăмăршă) тата Иван Кувайский (Кивĕ Чукал) йышăнчĕç. Çĕнтерÿçĕсене парнепе тата юрă саламĕпе чысларĕç.