23 апреля 2011 г.
РАЙОНТА "Шкул библиотеки – вĕрентĕвĕн информаци ресурсĕ" ятпа шкулсенчи библиотекарьсен конкурсĕ иртнĕ. Комисси "Чи лайăх шкул библиотекарĕ" ята Шăмăршăри вăтам шкулти Р.В. Федотована пама йышăннă. Раиса Васильевна библиотекарьте 32 çул ĕçлет, хăйĕн профессине чунтан юратать. Библиотека вĕренекенсемпе вĕрентекенсен юратнă вырăнĕ пулса тăнă. Шкулти кашни мероприяти тенĕ пекех Раиса Васильевна хутшăннипе иртет, хăйĕн пуян опытне вăл çамрăксене парать.
Конкурсра Пăчăрлă Пашьелĕнчи вăтам шкул библиотекарĕ И.В. Ермолаева – иккĕмĕш, Карапай Шăмăршăри вăтам шкулти Л.Н. Симуковапа Палтиелĕнчи вăтам шкулти Г.К. Валиева виççĕмĕш вырăн йышăннине палăртнă.