Публикации » Выляма юратаççĕ, ĕмĕтленеççĕ

27 апреля 2011 г.

ШĂМĂРШĂРИ "Аленушка" ача садĕнчи кĕçĕн ушкăнри ачасем (воспитателĕ О.А. Японцева) тĕрлĕ вăйăсем выляма юратаççĕ. Юрă-ташăра та маттур вĕсем. Пĕр-пĕрне хÿтĕлеме те пĕлеççĕ. Ĕçченлĕхпе те палăраççĕ – чечексене куллен шăварсах тăраççĕ. Çак кунсенче вара Ольга Александровна хăйĕн ушкăнĕнчи воспитанниксемпе "Ÿссен эсĕ кам пулатăн;" темăпа калаçу ирттерчĕ. Ачасем тĕрлĕ профессисене асăнса тухрĕç. К. Елова, Д.Сарафанова тата Д.Федотов акă ÿссен тухтăр пуласшăн, чирлесен хăйсен ашшĕ-амăшне, ытти çынсене сиплесшĕн. Пĕчĕк чухнех вăл е ку профессипе ĕçлеме ĕмĕтленнĕ, ÿссе çитсен ачалăхри ĕмĕте чăнлăха куçарнă тĕслĕхсем сахал мар пурнăçра. Тен, çак ушкăнри ачасенчен хăшĕ-пĕрисемпе те çаплах пулса тухĕ?