06 мая 2011 г.
РАÇÇЕЙРИ Космонавтика çулне халалланă районти илемлĕ пултарулăх коллективĕсен фестивалĕ апрелĕн 29-мĕшĕнче Шăмăршăри культура аталанăвĕн Центрĕнче гала-концертпа вĕçленнĕ.
Номинацисем тăрăх малти вырăнсене çаксем йышăннă: "Хор" номинацире – Карапай Шăмăршă ял поселенийĕ, "Фольклор" номинацире – Пуянкасси ял поселенийĕнчи "Ахаяс" фольклор коллективĕ, "Инструментсен ансамблĕ" номинацире – Анат Чаткасри Культура çурчĕ, "Арçынсен ансамблĕ" номинацире – Чукалти Культура çурчĕ, "Хĕрарăмсен ансамблĕ" номинацире – Кивĕ Чукалти Культура çурчĕ çумĕнчи хĕрарăмсен ансамблĕ, "Хутăш ансамбль" номинацире – Кивĕ Чукалти Культура çурчĕ çумĕнчи хутăш ансамбль, "Çемье ансамблĕ" номинацире – Палтиел ял поселенийĕнчи Долговсен çемье ансамблĕ, "Ташă" номинацире – Пуянкассинчи Культура çурчĕ çумĕнчи ташă ансамблĕ, "Соло" номинацире – Виçпÿрт Шăмăршăри Елена Муравьева, "Дуэт" номинацире – Кивĕ Чукалти Ирина Малеевапа Николай Иванов, "Трио" номинацире – Кивĕ Чукалти Культура çурчĕ çумĕнчи трио, "Илемлĕ сăмах" номинацире – Палтиелĕнчи Зинаида Свеклова, "Театр жанрĕ" номинацире – Васанти Алена Смаева.
Номинантсене район администрацийĕн вĕрентÿ, çамрăксен политики тата культура пайĕн Хисеп грамотипе наградăланă. Чи лайăх номерсене кăçалхи Акатуйра курса савăнăпăр.