11 мая 2011 г.
ÇУРХИ КУН çулталăк тăрантарать теççĕ. Çакна шута илсе "Исток" ОООра ака ĕçĕсене вăхăтра ирттерме васкаççĕ. Алексей Пашкинпа Евгений Хураськин механизаторсен агрегачĕсем ир пуçласа çĕрлечченех уй-хиртен кĕмеççĕ.
Хуçалăхра паянхи кун тĕлне 115 гектар урпа акнă, çак культура 600 гектар ытла йышăнмалла. Пĕр çул ÿсекен курăксен вăрлăхне те çĕре хываççĕ. Вĕсен лаптăкĕ 250 гектар пулмалла пулсан, 170 гектар акнă ĕнтĕ.
Геннадий Ефимов, Валерий Якушов, Владимир Якушов, Анатолий Якушов тата Петр Якушов сеяльщиксем те ĕçре тăрăшуллине палăртрĕ "Исток" ООО ертÿçи Ю.Старшов.
Минерал удобренийĕпе усă курмасăр кунта пĕр гектар çĕр те акăнмасть. Вăрлăхсене те имçамланă.