18 мая 2011 г.
Николай Якушов биатлонист ячĕ паян çĕр-шывĕпех паллă. Кăçал вăл юниорсем хушшинче Европа чемпионĕ пулса тăчĕ, ылтăн медаль çĕнсе илчĕ. Николая Италири Риднау хули алă çупса саламларĕ.
Çак кунсенче Николай ашшĕпе тата амăшĕпе пĕрле тăван ялĕнче - Васанта пулчĕ. Якушовсем çемйипех спортпа туслă, ял çамрăкĕсене те спорта юратма чĕнсе каларĕç.
– Халĕ эпĕ пикенсех Сочири Олимпиадăна хатĕрленетĕп, – терĕ Николай Якушов. – Çывăх вăхăтрах биатлон енĕпе тĕнче шайĕнчи ăмăртăва хутшăнатăп.
Ентешĕмĕре спортра тата вĕренÿре ăнăçу çеç сунар.