01 июня 2011 г.
ИЮНĔН 1-мĕшĕнче тĕнчипех ачасене хÿтĕлемелли куна пысăк уяв пек паллă тăваççĕ.
Шăмăршăра уявăн тĕп мероприятийĕсем районти культура аталанăвĕн центрĕ умĕнче иртĕç. "Пирĕн çăлтăрлă çĕр-шыв" спортпа вăйă мероприятийĕсен программи анлă та питĕ интереслĕ.
Вăйăсемпе викторинăсем, асфальт çинчи ÿкерчĕксен конкурсĕ вун-вун ачана пуçтарĕç. Ачасен ташă ансамблĕсемпе культура аталанăвĕн центрĕн артисчĕсем уяв программине тата та илемлетĕç. Шăмăршă ял поселенийĕн тĕп библиотеки ачасене "Çу кунĕсене чĕнекен кĕнекесем" çуллахи вулава, "Рюкзак çакса – тĕнче тăрăх" ÿкерчĕксен конкурсне йыхравлĕç.
Июнĕн 4-мĕшĕнче районти шкулсенче сывлăх лагерĕсем уçăлĕç, кăнтăрла ачасене вĕри апатпа тивĕçтерме бюджетран 342 100 тенкĕ укçа уйăрнă.
Лагерьсен культурăпа кану программисем те пуян, спорт мероприятийĕсем те кашни кунах иртĕç.