01 июня 2011 г.
31-МĔШ çул ĕçлет Г.А. Корнякова ача сачĕн воспитателĕ пулса. Хăйĕн ĕçне, чи малтан вара ачасене чĕререн юратать, пурне те ырă тĕслĕх кăтартать. Галина Анатольевна ĕçлекен "Аленушка" ача сачĕн коллективĕ – районта чи лайăххисен шутĕнче.
Çак кунсенче районта "2011 çулхи воспитатель" ятпа конкурс иртрĕ. Унта Шăмăршăри "Аленушка" ача сачĕн чысне Г.А. Корнякова хÿтĕлерĕ. Галина Анатольевна конкурс заданийĕсене пуринчен те лайăхрах пурнăçласа "Йăла-йĕрке тата паянхи пурнăç" номинацире лауреат пулса тăчĕ. Çĕнтерÿçе район администрацийĕн вĕрентÿ, çамрăксен политики тата культура пайĕн Хисеп грамотипе, хаклă парнепе чысларĕç.