28 мая 2011 г.
МАЙĂН 24-мĕшĕ – Славян çырулăхĕпе культурин кунĕ. Çак кун Вырăс Православи Чиркĕвĕ славянсене çутта кăларнă Мефодийпе Кирилл çвяттуйсене асăнать.
Славян çырулăхĕпе культурин кунне пирĕн районта та анлăн паллă турĕç. Шăмăршăри «Христос çурални» ячĕллĕ чиркÿре пĕр тăван Кириллпа Мефодие асăнса Литурги ирттернĕ. Кĕлĕ вуланă хыççăн тĕне ĕненекенсем хĕреслĕ çулпа Ленин, Илпек, Космовский урамĕсемпе утса тухнă.
Районти библиотекăра уява халалласа «Пиртен, тăмран тата хутран» ятлă кĕнеке выставки йĕркеленĕ. Унта уяв историйĕпе, пĕр тăван Кириллпа Мефодий пурнăçĕпе тата ĕçĕ-хĕлĕпе паллашма пулать.