02 июля 2011 г.
Юратнă Чăваш Енĕмĕр – çĕр пин сăмах, çĕр пин юрă, çĕр пин тĕрĕ çĕр-шывĕ. Паллах, вăл тавралăх илемĕпе те илĕртет, çыннисем – ĕçчен те пултаруллă.
Нумаях пулмасть Шăмăршă вăтам шкулĕн вĕренекенĕсем Шăмăршă ял поселенийĕн тĕп библиотекинче пулчĕç. Библиотекарьсем вĕсене тăван республикăпа паллаштаракан видеофильм кăтартрĕç, тăван тăрăх историйĕ, йăли-йĕрки, паллă çыннисем çинчен каласа пачĕç. Вĕсем хушшинче – Иван Яковлев, Никита Бичурин, Николай Ашмарин, Константин Иванов, Андриян Николаев тата ыттисем. Ачасем çавăн пекех иллюстрацисемлĕ пысăк выставкăпа та интересленсе паллашрĕç.