20 июля 2011 г.
ÇĔНĔ ЧУКАЛТИ Макеевсен çемйинче – икĕ ывăл. Тĕп килтен уйрăлса тухса хăйĕн çурт-йĕрне çавăрас тесе, асли, Дмитрий, пĕлтĕр тăван ялти Ленин урамĕнчи пушă тăнă çĕр участокĕнче пÿрт тума пуçланă. Тăванĕсемпе пĕрле вăл пÿрт никĕсне янă, пура мăкласа хăпартнă, тăррине витнĕ.
Çĕнĕ пÿрт тума, паллах, çăмăлах мар. Строительство материалĕсем туянма та, бригада тытма та укçа-тенкĕ нумай кирлĕ. Дмитрий Макеев юлташĕсемпе пĕрле Мускав облаçне – стройкăна ĕçлеме çÿрет. Тăрăшса, тупăштарса пырса, ĕçчен йĕкĕт кĕркунне хăйĕн çуртне тулашĕнчен шурă силикат кирпĕчпе илемлетме ĕмĕтленет.