23 июля 2011 г.
Çĕнĕ Шупашкар хулинче пурăнакан 70 çулти арçыннăн арăмне... мăшкăлланăшăн суд умне тăма тивет. Ун пирки УК 131 статйипе уголовлă ĕç пуçарнă.
Тĕрĕссипе, вĕсем пĕрле пурăнман ĕнтĕ. Арçын арăмĕ пулнăскерĕнчен ваннăйра çăвăнмашкăн ирĕк ыйтнă, лешĕ апла-капла шутлама та пултарайман – арçынна хваттере кĕртнĕ. "Хăна" вара хĕрарăма хĕнесе пĕтернĕ, унтан вăйпах мăшкăлланă.
Хĕрарăма больницăна ăсатма тивнĕ. Унăн упăшки пулнăскере вара хупса хунă. Уголовлă ĕçе тĕпчеççĕ.