06 августа 2011 г.
ПАЛТИЕЛĔНЧИ Сафатдин Гимадиевичпа Майре Зайнутдиновна Измайловсем пĕр çемьене пĕрлешнĕренпе шăпах 55 çул çитрĕ.
Вĕсем 1956 çулхи илемлĕ çу кунĕсенче çемье çавăрнă. Ун чухне кил хуçи, Сафатдин, колхозра конюхра ĕçленĕ. Мăшăрĕ вара, Майре, – вăл Пăва районĕн хĕрĕ пулнă – уй-хир бригадинче тăрăшнă. Каярахпа та çак ĕçсенчех вăй хунă Измайловсем, хăйсен пархатарлă ĕçĕпе ял-йыш хисепне тивĕçнĕ.
Сафатдин Гимадиевичпа Майре Зайнутдиновна икĕ ывăлпа икĕ хĕр ÿстерсе çитĕнтернĕ, вĕсене тивĕçлĕ воспитани парса, професси илме пулăшса пурнăç çулĕ çине кăларнă.
Измайловсен хальлĕхе ултă мăнук. Хăйсен йăхĕ малалла тăсăлса пынишĕн хисеплĕ ĕç ветеранĕсем чунтанах савăнаççĕ.