06 августа 2011 г.
ÇАК кунсенче Тăвай ялĕнче, 45-мĕш пушар чаçĕнче республикăри пушарпа прикладной спортăн кустри ăмăртăвĕсем иртрĕç. Унта Патăрьел, Елчĕк, Тăвай, Комсомольски тата Шăмăршă районĕсенчи пушар чаçĕсен пĕрлештернĕ командисем вăй виçрĕç.
Вутпа кĕрешекенсем штурм пусми тăрăх çуртăн тăваттăмĕш хутĕнчи чÿречинчен кĕрессипе, чăрмавсемлĕ 100 метрлă дистанцие чупассипе, пушар техникипе оборудованине васкавлăн вутпа кĕрешме хатĕрлессипе ăмртрĕç. Командăсенчен кашниех профессилле ăсталăх кăтартрĕ.
Пуринчен те ытларах балсем пухса Тăвайсем ăмăртура пĕрремĕш вырăн çĕнсе илчĕç. Комсомольски районĕн пушарникĕсем иккĕмĕш вырăнта. Шăмăршăсем виççĕмĕш вырăна тухрĕç. Команда йышĕнчи Александр Мулякова (команда капитанĕ), Разиль Ахметова, Сергей Исянова, Замир Гадиева, Олег Харитонова, Андрей Мулюкова тата командăна ăмăртăва хатĕрленĕ Анатолий Низамова призлă вырăн йышăннă ятпа ăшшăн саламлатпăр, малашнехи ăмăртусенче те ăнăçу сунатпăр.