20 августа 2011 г.
АВГУСТĂН 18-мĕшĕнче Шăмăршăра район депутачĕсен Пухăвĕн черетлĕ ларăвĕ иртнĕ, ăна район пуçлăхĕ – район депутачĕсен Пухăвĕн председателĕ И.М. Абсалямов ертсе пынă.
Депутатсем пĕр мандатлă 1-мĕш Лесхозная суйлав округĕн депутачĕн В.А. Петьковăн тата 13-мĕш Васан суйлав округĕн депутачĕн Н.Н. Быковăн полномочийĕсене вăхăт çитиччен пăрахăçласси çинчен йышăну кăларнă.
Депутатсем Шăмăршă районĕн социаллă пурнăçĕпе экономики кăçалхи пĕрремĕш çур çулта мĕнле аталанни çинчен калакан информацие тата район бюджечĕ кăçалхи пĕрремĕш çур çулта мĕнле пурнăçланни çинчен калакан информацие шута илнĕ, район пурнăçĕнчи ытти ыйтусене пăхса тухнă.
Депутатсен Пухăвĕн ларăвĕн ĕçне район администрацийĕн пуçлăхĕ В.П. Фадеев хутшăннă.