20 августа 2011 г.
ЮН кун районта Пĕрлĕхлĕ информаци кунĕ иртнĕ. Пирĕн района халăхпа тĕл пулма Шупашкартан Чăваш Республикин çут çанталăк ресурсĕсемпе экологи министрĕн çумĕ Е.В.Юшин, "Суварпроект" проект институчĕн генеральнăй директорĕ В.А. Захаров, Чăваш Республикин стандартизаци, метрологи тата сертификаци центрĕн директорĕ С.П.Абрамов килнĕ.
Е.В.Юшин ертсе пыракан ушкăн Палтиел ял поселенийĕнче пулнă, ĕç коллективĕсене Чăваш Республикин кăçалхи пĕрремĕш çур çулти аталанăвĕн кăтартăвĕсемпе паллаштарнă, 2011-2012 çулхи вĕренÿ çулне хатĕрленес тата ЖКХ объекчĕсене хутмалли сезона хатĕрлесе çитерес ыйтусене çĕкленĕ. Халăхпа тĕл пулнă чух информаци ушкăнĕсем ыйтусем çине тулли хурав панă.