27 августа 2011 г.
РАЙОНТИ хуçалăхсенче, тĕпрен илсен, уй-хир ĕçĕсем начар мар пыраççĕ. Ĕнерхи кун тĕлне тырпула пĕтĕм лаптăксен 90 проценчĕ çинчен пухса кĕртнĕ. Вăтам тухăç хальлĕхе кашни гектартан 24,5 центнерпа танлашать. Пĕтĕмпе 21 пин тонна ытла тырă çапса тĕшĕленĕ.
Вырмапа пĕрлех хуçалăхсенче кĕр тыррисем акма çĕр хатĕрлес ĕç те пырать. Виçĕ пин гектара яхăн вăрлăх йышăнма хатĕр те ĕнтĕ, 330 гектар çинче çĕртме суха тунă.
Кăçал районта кĕр тыррисене пурĕ 3200 гектар акса хăварма палăртнă.
Хăш-пĕр хуçалăхсенче ака агрегачĕсем хире тухнă. Ĕнерхи кун тĕлне 350 гектар ыраш акса хăварнă.
Çакăнпа пĕрлех, хуçалăхсенче выльăх апачĕ хатĕрлес ĕç те малалла пырать.