17 сентября 2011 г.
РАЙОНТИ комисси ялсене тирпей-илем кĕртес тĕлĕшпе çулленех иртекен конкурсăн кăçалхи кăтартăвĕсене пĕтĕмлетнĕ.
"Чи лайăх ял поселенийĕ" номинацире Анат Чаткас ял поселенийĕ – пĕрремĕш, Васан ял поселенийĕ – иккĕмĕш, Карапай Шăмăршă ял поселенийĕ виççĕмĕш вырăн йышăннине палăртнă.
"Чи лайăх ял" номинацире Васан ялĕ – пĕрремĕш, Патирек ялĕ – иккĕмĕш, Пуянкасси ялĕ виççĕмĕш вырăн йышăннă.
"Чи илемлĕ урам" номинацире Анат Чаткасри К.Маркс урамне çитекенни пулман.
Конкурс вĕçленчĕ, анчах та ял поселенийĕсенче ĕç чарăнса лармалла мар, часах ялсене тирпей-илем кĕртмелли, йывăçсемпе тĕмсем лартмалли кĕркуннехи уйăхлăх старт илет.