12 ноября 2011 г.
2011 ÇУЛТА районти ял ĕçченĕсем пурĕ 24422 тонна е кашни гектартан 24,5 центнер тырă пуçтарса кĕртнĕ. Çĕр улми тухăçĕ гектартан 165 центнерпа, сахăр чĕкĕнтĕрĕн тухăçĕ 180 центнерпа танлашать.
Чи пысăк тухăç - 3850-3668 тонна тырă - "Мир" ЗАОпа "Колос" Агрофмрма" ООО пуçтарса кĕртнĕ. "Колос" Агрофирма" ОООра вăтамран 33,3 центнер тырă пухнă. Çĕнĕ Тăрăнти Т.Г. Иванова фермер гектартан30,6 центнер тырă пуçтарса кĕртнĕ. Кахăрлă Шăхалĕнчи Г.Н. Макаров, Пăчăрлă Пашьелĕнчи А.И. Сатеев, Çĕнĕ Чукалти В.Н. Симурзин, Асанкассинчи С.З. Данилов, Карапай Шăмăршăри В.Ф. Денисов тата В.И. Елисеев фермерсен хирĕсем те вăйлă тыр-пулпа савăнтарнă. "Колос" Агрофирма" ООО, "Мир" ЗАО тата фермерсем пĕтĕм лаптăк çинче кĕрхи çĕртме сухи туса хăварнă.
Хуçалăхсем çитес çур аки валли кирлĕ чухлĕ вăрлăхсем хатĕрленĕ. "Искра" СХПКра тĕш тырăсемпе пăрçа йышши культурăсен вăрлăхĕсене 100 проценчĕпех, "Восход" СХПКра тата "Карлинская" Агрофирма" ЗАОра 80 процентне кандицие лартнă.
2011 çулта хуçалăхсемпе фермерсем 11 трактор, 2 комбайн, кăкарса ĕçлемелли 12 техника туяннă.
Выльăх-чĕрлĕхе хĕл каçарма тĕплĕн хатĕрленнĕ май, районĕпе кашни условнăй пуç выльăх валли 43,6 центнер, "Исток" ОООра, А.И. Сатеев фермерăн хуçалăхĕпе "Искра" СХПКра 72-60 центнер выльăх апачĕ хатĕрленĕ. Кăçалхи тăхăр уйăха 10 хуçалăхран 9--ĕшĕ таса тупăш илнипе вĕçленĕ.
Кăçал районта 29 çемье çурт-йĕр çавăрма 12,531 миллион тенкĕ, çав шутра 6 çамрăк специалист 3,637 миллион тенкĕ субсиди илнĕ.
Кăçал Анат Чаткас, Васан, Кивĕ Шăмăршă ялĕсенчи урамсене шыв пăрăхĕсем тăсассине вĕçлемелле, "Ĕçмелли таса шыв" программăна пурнăçа кĕртмелле.