12 ноября 2011 г.
ПЕНСИН патшалăх софинансированийĕн программине хутшăнакансем тÿленĕ суммăран 260-1560 тенкине каялла тавăрса параççĕ.
РФ Пенси фончĕн районти учрежденийĕ пĕлтернĕ тăрăх - асăннă программăпа килĕшÿллĕн çулталăкра куçарнă 2-12 пин тенкĕ хушма взнос хывсан налукăн 13 процентлă çăмăллăх ирĕкĕ пур. Ăна тивĕçмешкĕн хăвăр пурăнакан вырăнти инспекцие тупăш декларацийĕ тата налук çăмăллăхĕ тÿлеме ыйтса заявлени çырмалла. Страхованин хушма взносĕ хывнине банк квитанцийĕпе е ĕçпе тивĕçтерекен справкипе ĕнентермелле. Тупăша декларизацилесе çăмăллăх укçине виçĕ çул иртиччен параççĕ. Аса илтеретпĕр, асăннă программăна 14 çул тултарсан хутшăнма юрать. Çав шутпа çуллен куçарнă 2-12 пин тенке патшалăх тепĕр çавăн чухлĕ ÿстерет. Хушма взноса уйăхсерен е пĕр харăс ĕçленĕ вырăнта е кирек хăш банкра тÿлеме пултаратăр. Софинансированин виççĕмĕш енĕ шучĕпе сире ĕçпе тивĕçтерекен те хутшăнать. Патшалăх пулăшăвĕ гражданин страхованин пĕрремĕш взносне хывнă самантран пуçласа 10 çула тăсăлать.
Хăвăра канăçсăрлантаракан ыйтусем пирки Пенси фончĕн районти управленийĕнче тĕплĕнрех ыйтса пĕлме пулать.