03 декабря 2011 г.
НОЯБРĔН 29-мĕшĕнче Шăмăршăра район депутачĕсен Пухăвĕн черетлĕ вуннăмĕш ларăвĕ пулса иртнĕ.
Депутатсем Шăмăршă районĕн 2012 çулхи тата 2014 çулчченхи тапхăрти социаллă пурнăçпа экономика аталанăвĕн прогнозне пăхса тухса шута илнĕ.
Прогноз тăрăх, 2012 çулта Шăмăршă районĕн бюджетне 153881,8 пин тенкĕ тупăш кĕмелле. Малтанласа палăртнă тăрăх, тăкаксем 154479,6 пин тенкĕ пулмалла. Бюджет дефицичĕ – 597,8 пин тенкĕ.
Шăмăршă районĕн бюджетĕнчи тăкаксен 84 процентне вĕрентÿ, культура, физкультурăпа спорт тата социаллă политика илĕç. Вĕрентÿ валли кăна 105509,4 пин тенкĕ тăкаклама пăхнă.
Лару кун йĕркине кĕртнĕ ытти ыйтусене пăхса тухса тивĕçлĕ йышăнусем тунă.