17 декабря 2011 г.
Çĕнĕ çул кунран-кун çывхарсах пырать. Пĕрлех полицин районти уйрăмĕ граждансене асăрханулăх пирки те аса илтерет. Пасар территорийĕнче, шкулсен, Культура çурчĕсен коридорĕсенче, ытти учрежденисенче, халăх йышлă çÿрекен вырăнсенче никам пăхса тăман (такам хăварнă) сумка е коробка асăрхасан тÿрех 2-33-73 телефонпа полици уйрăмĕн дежурнăй чаçне шăнкăравласа пĕлтерме ыйтатпăр. (Кĕсье телефонĕпе – 020).
Çавăн пекех Çĕнĕ çул уявĕнче пиротехника хатĕрĕсемпе питĕ асăрхануллă пулма сĕнетпĕр. Вĕсене пĕчĕккисем алла тытасран сыхланмалла. Уяв пурне те савăнăç кăна кÿтĕр.