25 января 2012 г.
Февралĕн 12-мĕшĕнче çĕр-шывăн 70 хулинче "Йĕлтĕр йĕрĕ–2012" чупу старт илет. Кăçалхипе Чăваш Енре улттăмĕш хут иртекен ăмăртура 40 пин ытла спортсмен старта тухма палăртнă.
Пирĕн районта та "Йĕлтĕр йĕрĕ – 2012" чупу кашни ял поселенийĕнчех иртĕ.
Йăлана кĕнĕ тăрăх йĕлтĕр спортне кăмăллакансем старта кăнтăрла 12 сехетре тухĕç. Тупăшакансене 8.30 сехетрех шута илме пуçлĕç. 2014 метра чупас енĕпе VIP-ăмăрту пулĕ. 1994 çулта çуралнă хĕрсемпе каччăсем тата кĕçĕнреххисем 5 километра парăнтарĕç. 1993 çулта çуралнă йĕлтĕрçĕсем тата аслăрах арçынсемпе хĕрарăмсем 10 километрта тупăшĕç.