25 января 2012 г.
Ырă кăмăллă, илемлĕ сăнлă хĕрарăм ĕçлет Шăмăршăри çыхăну уйрăмĕнче. Вăл – Юлия Романова.
Юлия Николаевна Çĕнĕ Шăмăршăра çуралнă, шкултан вĕренсе тухнă хыççăн çыхăну техникумне пĕтернĕ. Малаллахи пурнăçне юратса суйласа илнĕ профессийĕпе çыхăнтарнă, 25 çул ытла çыхăну уйрăмĕнче вăй хурать. Çак çулсем хушшинче коллективпа килĕштерсе ĕçленĕ, клиентсемпе те çăмăллăнах пĕр чĕлхе тупать.
Çак кунсенче Юлия Николаевна çуралнă кунне 45-мĕш хут паллă тăвать. Ăна тус-тăванĕ, пĕрле ĕçлекенĕсем саламласа çирĕп сывлăх, телей сунаççĕ.