Публикации » Ĕç укçи пысăкланать

28 января 2012 г.

Чăваш Респубикин Министрсен Кабинечĕн январĕн 25-мĕшĕнче пулса иртнĕ ларăвĕнче вице-премьер – финанс министрĕ Михаил Ноздряков патшалăх учрежденийĕсен ĕçченĕсен шалăвĕ ÿсни çинчен каласа панă. Ÿсĕм пилĕк категорие пырса тивет: ача сачĕсен педагогĕсен, кĕçĕн воспитателĕсен тата воспитательсен пулăшуçисен, хушма вĕрентÿ, культура тата спорт учрежденийĕсен ĕçченĕсен шалăвĕ январĕн 1-мĕшĕнчен 15 процент пысăкланнă. Çапла вара вĕсен ĕç укçи 9,6 пин тенкĕ урлă каçать. Аса илтерни вырăнлă: кăçалхи октябрĕн 1-мĕшĕнчен бюджет сферин мĕн пур ĕçченĕн шалăвне тата 6 процент пысăклатма палăртнă. Бюджетра çакăн валли укçа пăхса хунă ĕнтĕ.