04 февраля 2012 г.
Патирекри тĕп шкулта вĕренекенсем районта тата республикăра иртекен тĕрлĕ мероприятисене хастар хутшăнаççĕ, чылай чухне призлă вырăн йышăнаççĕ.
Нумаях пулмасть тутар чĕлхипе çырнă сочиненисен "Манăн йăх-несĕл" ятлă регионсем хушшинчи конкурсĕ иртнĕ, унта Чăваш Енри, Тутарстанри, Пенза облаçĕнчи, Пушкăртстанри тата Мари-Элри шкул ачисем хутшăннă. Патирек хĕр ачисем Розалина Кафизовапа Румия Хамдеева (9 кл.) тата Расина Несибуллова (8 кл.) çак конкурсра çĕнтерÿçĕ пулса тăнă. Шкулти тутар чĕлхипе литератури учителĕ Э.М. Шарипова ертсе пынипе, хĕр ачасем Хусана пĕрремĕш премие илме кайса килчĕç. Дипломпа чысланипе пĕрлех, жюри вĕренекенсемпе шкула вырăс тата тутар писателĕсен 87 кĕнекипе савăнтарнă.