04 февраля 2012 г.
ИРТНĔ шăмат кун Канаш тăрăхĕнче Чăваш Республикинчи Госветслужбăн районсенчи станцийĕсем хушшинче йĕлтĕрпе чупса мала тухассишĕн ăмăрту иртнĕ. Унта Шăмăршăри выльăх-чĕрлĕх чирĕсемпе кĕрешекен станцин туслă команди те хутшăннă. Игорь Портнов, Иван Семенов, Алексей Пирогов, Ирина Шайдуллина тата Вера Бакланова район чысне чунтан тăрăшса хÿтĕленĕ, пирĕн команда иккĕмĕш вырăн йышăннă. Диплом тата медальсем илме тивĕçнĕ.
Ветслужба команди ăмăртăва хутшăнма йĕлтĕр уйăрса панăшăн "Туслăх" ФСК директорне Сергей Галкина, Анат Чаткас тата Пуянкасси шкулĕсенчи физкультура учителĕсене Николай Зыкова тата Василий Бондареева чĕререн тав тăвать.