22 февраля 2012 г.
Спортпа оборона тата массăллă ĕçсен уйăхлăхне халалласа, Карапай Шăмăршăри пĕтĕмĕшле пĕлÿ паракан вăтам шкулта кадет класĕн (9 класс) çуралнă кунне ирттереттĕмĕр. Çак куна паллă тума шкула ашшĕ-амăшĕ те пухăнчĕ. Вĕренекенсем килнĕ хăнасене презентаципе паллаштарчĕç, сăвăсем вуласа савăнтарчĕç, вальс ташласа пачĕç.
Кадетсемпе ашшĕ-амăшĕ спорт ăмăртăвĕнче тупăшрĕç. Волейбол вăййинче аслисем кĕçĕннисене парăнтарчĕç.
Çавăн пекех 11 класра вĕренекенсемпе паттăрлăх урокĕ иртрĕ. Ăна Сталинград патĕнчи çапăçусене халалланă. Калаçу вăрçă вăхăтĕнчи салтаксен паттăрлăхĕ, чăтăмлăхĕ, тылри халăхăн ĕçченлĕхĕ çинчен пычĕ.