29 февраля 2012 г.
Шăмăршă шкулĕнчи кадет класĕнче 20 ача. Вĕсем хăйсене пур енчен те лайăхпа кăна кăтартма тăрăшаççĕ, ыттисемшĕн тĕслĕх пулса тăраççĕ.
Кадетсен класĕсен çуралнă кунне тата вĕсене халалласа уяв пулчĕ. Чĕннĕ хăнасем, вĕренекенсен ашшĕ-амăшĕ хаваспах шкула пухăнчĕç. Нумай ăшă сăмах каларĕç кадетсене, ăнăçу сунчĕç. Паллах, вĕренекенсем те парăмра юлмарĕç. Районта кăна мар, республикăра та малти вырăнсене йышăнма пултаракан кадетсем хăйсен пултарулăхне юрăра та, ташăра та кăтартса пачĕç. Уйрăмах каччăсемпе хĕрсен бал ташшине пăхма кăмăллă пулчĕ. Кадетсен уяври тата кулленхи пурнăçĕ çинчен ÿкернĕ фильм та курса савăнчĕç пухăннисем.